Dözəcəksən - Mahnı sözləri, Şarkı sözü,Lyrics

Dözəcəksən

Mus.: Nadir Əzimov 

Söz.: Rəsmiyyə Sabir

Düşmüsən eşqimin oduna, gülüm,

Daim xəyalımı sən anacaqsan.

Bir gün görməyəndə mənim üzümü,

Özünü hamıdan tək sanacaqsan.

Məgər bilməyirdin sevgi əzabdır,

Hər cürə qüssəsi, kədəri vardır

İnsanı ocaqsız-odsuz yandırır,

Qarşımda hər zülmə dayanacaqsan.

Nəq.:

Hər nazıma dözəcəksən, dözəcəksən

Yuxularda məni görəcəksən

Bu dünyanın hər yanında, hər yanında 

Təkcə məni, məni gəzəcəksən.

Əzaba, qüssəyə bürünəcəksən

Arxamca kölgə tək sürünəcəksən

Hər gün küçəmizdə görünəcəksən

Eşqimin odunda sən yanacaqsan