Dözə bilmirəm - Mahnı sözləri, Şarkı sözleri,Lyrics

Dözə bilmirəm

Mus.: Məmmədbağır Bağırzadə 

Söz.: Hafiz Baxış

Yoruldum, sevgilim, yol gözləməkdən

Yolları gözümə düzə bilmirəm 

Yoruldum,hardasan,gəl-gəl deməkdən

Mən bu ayrılığa dözə bilmirəm 

Nəq.:

Dözə bilmirəm, dözə bilmirəm

Mən bu ayrılığa dözə bilmirəm 

Səndən ümidimi üzə bilmirəm

Qaragözlü dilbərim, şirinsözlü dilbərim 

Harda qaldın, gəlmədin, gülərüzlü dilbərim 

Adınla bağlıyam adına, gülüm,

Bəlkə heç düşmürəm yadına, gülüm

Yetiş sevgilinin dadına, gülüm,

Mən bu ayrılığa dözə bilmirəm.

Nə vaxtdır görmürük bir-birimizi

Üzər, belə getsə, bu həsrət bizi 

Yoxsa məhəbbətin dönübdür üzü

Kim bizi gətirdi gözə, bilmirəm?