Dinə bilmədim - Mahnı sözləri,Şarkı sözü, Lyrics

Dinə bilmədim

Mus.: Ələkbər Tağıyev 

Söz.: Hüseyn Arif

İlk dəfə sahildə gördüm onu mən 

Gizli bir üşütmə keçdi qəlbimdən

Çevirdi üzünü mavi Xəzərə

O dənizə baxdı, mən o gözlərə 

Dinmək istədim, dinə bilmədim

Nə edim, bilmədim!

Dolandı bahar, yay, dolandı payız 

Fikrimdən silinib getmədi o qız

Aradım mən onu bağda, bağçada

Hüsnünü hər zaman salaraq yada.

Görmək istədim, görə bilmədim 

Nə edim, bilmədim 

Mən toya çağrıldım, bir axşamçağı 

Bəzənib gülürdü qonaq otağı.

Görüncə tanıdım mən, o gözləri

Ağ libas geyinib, o gözəl pəri.

Hamı dinsə də, dinə bilmədim 

Nə edim, bilmədim!