Bu torpağa borcluyam - Mahnı Sözləri Şarkı Sözü Lyrics

Bu torpağa borcluyam

Mus: Şəfiqə Axundova
Söz: Bəxtiyar Vahabzadə

İlk andım - Vətənimdir,
Mən gah odam, gah suyam.
Bu torpaqdan yarandım,
Bu torpağa borcluyam.

Nəq.:

Xoşbəxtəm ki, Vətənim
Azərbaycandır mənim...

Dövr eləyən qanımdır
Kürüm, Arazım mənim.
Küləklər mizrabımdır,
Ağaclar sazım mənim.

Mənim damarlarımda
Gur sellər çağlamışdır.
Anam cəngilər üstə
Məni qundaqlamışdır.

Ağ zirvəli dağlarım,
Əyilməz başım mənim.
Tarixdən də qədiməm,
Bilinməz yaşım mənim.