Bu çayın çınqılı - Mahnı Sözləri Şarkı Sözü Lyrics

Bu çayın çınqılı

Mus: Ramiz Mustafayev
Söz: Fikrət Sadıq

Bu çayın çınqılı hamar...
Toranlar damar-damar.
Qaytar sürünü,quzunu,
Ürəyimə qorxu damar.

Nəq.:

Axşam düşər, su çoxalıb yolu kəsər,
Quzuların ayağını çınqıl əzər.
Bu çayın çınqılı ağdır,
O tayı çiçəkli dağdır.
Qayıt, ümidim, tez qayıt,
Ayrılıq çox uzun axdı.

Bu çayın çınqılı xallı,
Çay boyu gedərlər yallı.
Xəyalımı su apardı,
Gözlərim o tayda qalıb.

Bu çayın çınqılı xırda
Çınqıllar danışır burda.
Bu qədər ki, həsrətliyəm
Çınqıl ollam mən axırda.