Boylana-boylana - Mahnı Sözləri Şarkı Sözü Lyrics

Boylana-boylana

Söz: Aşıq Hüseyn Cavan

Azad bir qız girib bağa,
Gəzir boylana-boylana.
Ala gözün sola-sağa,
Süzür, boylana-boylana.

Kitabı alıb əlinə,
Baxır hər bir sətrinə.
Atılıb eşqin gölünə
Üzür, boylana-boylana.

İçib eşqin bulağından,
Gəzir Məcnun sorağında.
Tər qönçənin budağından,
Üzür, boylana-boylana.

Qurban qaşın qarasına,
Bax sinəmin yarasına.
Düşüb eşqin bəlasına,
Gəzir, boylana-boylana.

Açıb qönçə dəhanını,
Qumru tək zəbanını.
Cavan Hüseynin canını,
Üzür, boylana-boylana.