Bənövşə ( Romans) -Mahnı sözləri, Şarkı sözü, Lyrics

Bənövşə

Mus: Səid Rüstəmov
Söz :  Aşıq Qurbani

Başına döndüyüm, gülüzlü pəri,
Adətdir, dərərlər yaz bənövşəni
Ağ nazik əlinlə bir dəstə bağla
Tər buxaq altına düz bənövşəni.

Tanrı səni gül camala yetirmiş
Səni görən aşiq əqlin itirmiş
Gözəl qızlar  dərib yara gətirmiş
Heyif ki dəriblər az bənövşəni

Qurbani der, könlüm sənnən sayrıdır
Nə etmişəm yarım məndən ayrıdır
Ayrılıqmı çəkib boynu əyridir?
Heç yerdə görmədim düz bənövşəni.