Ay yaşıl söyüd - Mahnı Sözləri,Şarkı Sözü,Lyrics

Ay yaşıl söyüd

Mus:Xəyyam Mirzəzadə
Söz:Nəriman Həsənzadə

---

O burdan gedəli
Mən bura gəlmirəm
Soruşma niyə bəs?
Bilmirəm,bilmirəm ay yaşıl söyüd.

Gəlibmi,gedibmi
Yanına o mənsiz?
Sən onsuz özgəsən
Yad olub o sənsiz,ay yaşıl söyüd 

Yağışlar yağanda
Yığardı ovcuna
O sənin saçını,
Mən onun saçını,ay yaşıl söyüd

Yanına qaçardıq
Gülüşə-gülüşə
Yıxıla-yıxıla
Sürüşə-sürüşə,ay yaşıl söyüd

Küsülü gülüşü
Düşürmü yadına?
Saçların tökülüb
Ayaqlar altına, ay yaşıl söyüd

Küləklər necə sərt
Əsərmiş Ay aman!
Mənəmmi pərişan,
Sənsənmi pərişan,Ay yaşıl söyüd?...