El yolunda - Mahnı sözləri, Şarkı sözü, Lyrics

El yolunda

Mus.: Ələkbər Tağıyev

Söz.: Hafiz Baxış

Vətən oğlu, bu dünyada məğrur yaşa

Hünər göstər, qeyrətlə vur ömrü başa

Harda olsan, çətin yol seç, mərdlik ara

Əməlinlə sevinc payla insanlara.

Nəq.:

Koroğlu tək aman vermə namərdə heç,

Babək kimi Vətən üçün canından keç 

Mehdi olub sən alovlu, odlu yol seç

Gündən-günə qoy ucalsın

Şan-şöhrətin el yolunda

Günəş kimi sönməz olsun

Hərarətin yolunda 

Sev elini, sev Vətəni, sev cahanı,

İnsanları yaxşı öyrən, yaxşı tanı

Bircə dədə bəxş olunub ömür bizə 

Qoy igidlik bəzək olsun ömrünüzə.