Dünya bir nəğmə idi - Mahnı sözləri, Şarkı sözü,Lyrics

Dünya bir nəğmə idi 

Mus.:Oqtay Kazımi

Söz.: Cabir Novruz 

Dünya bir nəğmə idi, dünya bir yuxu idi

Elə bil Yer üzündə bir tifil də yox idi

Elə bil hər tərəfdən süd qoxusu gəlirdi

Analar şərəfinə mahnılar yüksəlirdi

Bütün aləm elə bil bu lövhəyə dalırdı

Bir ana qucağında bir körpə aparırdı.

Küçələrdən keçənlər durub boylanırdılar

Cavan qızlar sızlayıb gizlicə yanırdılar

Göz qoyurdu qarılar, köks ötürüb dərindən

Seyr edirdi uşaqlar, seyr edirdi gəlinlər 

Bütün aləm elə bil bu lövhəyə dalırdı

Bir ana qucağında bir körpə aparırdı.