Çıxaq görüşə - Şarkı sözü,Mahnı sözləri,Lyrics

Çıxaq görüşə 

Mus.: Ramiz Mustafayev

Söz.: Adil Babayev

Sevgilim, bu axşam çıxaq görüşə

Sənə deyiləsi xeyli sözüm var.

Rahat buraxmayır məni nə vaxtdır,

Sinəmdə kükrəyən təmiz duyğular.

Nəq.:

Sən ki, çox sevirsən sahil boyunca,

Yan-yana düzülmüş ağ qəndilləri.

Gəl, əziz sevgilim, görüşək bu gün,

Qoy ötsün fərəhlə gənclik illəri.

Gəl bu gün görüşək, çıxma sözümdən,

Dəniz dalğasızdır, asiman təmiz.

Qoy sabah iş vaxtı ruh versin bizə,

Sadə görüşümüz, xoş söhbətimiz.