Çərşənbə günündə - Şarkı sözü,Lyrics,Mahnı sözləri

Çərşənbə günündə

Mus: Qənbər Hüseynli

Söz.: Aşıq Ələsgər

Çərşənbə günündə, çeşmə başında 

Gözüm bir alagöz xanıma düşdü

Atdı müjgan oxun, keçdi sinəmdən 

Cadu qəmzələri qanıma düşdü.

İşarət eylədim, dərdimi bildi,

Gördüm həm gözəldi, həm əhli-dildi.

Başını buladı, gözündən güldü,

Güləndə qadası canıma düşdü.

Ələsgərəm, hər elmidən halıyam

Gözəl, sən dərdlisən, mən yaralıyam

Dedi.: "Nişanlıyam,özgə malıyam",

Sındı qol-qanadım,yanıma düşdü.