Ceyran - Mahnı Sözləri Şarkı Sözü Lyrics

Ceyran

Mus.: Hacı Xanməmmədov
Söz.: Aşıq Ələsgər

Durum dolanım başına,
Qaşı-gözü qara ceyran.
Həsrətindən xəstə oldum,
Eylə dərdə çara, ceyran.

Eşqində mərd dayansan,
Mən yanaram,sən də yansan,
Özün bir tülək tərlansan
Niyə uydun sara, ceyran.

Ələsgərəm, yardan oldum,
Eşqin girdabına qaldım,
Küsdürmüşdüm, könlün aldım
Yalvara-yalvara ceyran.