Bakı - Mahnı sözləri,Şarkı sözü,Lyrics (Mus.: Ələkbər Tağıyev)

Bakı

Mus.: Ələkbər Tağıyev
Söz.: Hafiz Baxış

Qəlbimin istəyi, gözümün nuru,
Ay mənim çiçəkli şəhərim,Bakı.
Qoynunda gül açar, şəlalə çağlar,
Bəzəyib sinəni illərin,Bakı,

Sənə mahnı qoşur ellərim,Bakı.

Bir gəlin sığalı çəkilib sənə,
Alqış həyatına,alqış bu günə,
Sənin camalına,sənin hüsnünə,
Hər gün ayna tutar Xəzərim,Bakı,
Yenilməz vüqarım,zəfərim,Bakı.

Sinəmə yazılıb əhdin-ilqarın,
Şirin nəğməsisən sən ilk baharın,
Başına dolanım mən bu diyarın,
İşıqlı,günəşli,gündüzlü,Bakı,
Sənə mahnı qoşur ellərin,Bakı.