Əziz dost - Mahnı sözləri,Şarkı sözü, Lyrics

Əziz dost 

Mus. Qulu Əsgərov

Söz. Rəsul Rza

Əziz dostum məndən küsüb incidi

Yad kimi ayrılıb, çıxdı evimdən.

Getdiyi yolları ot basıb indi,

O gedib, qalmışam həsrətində mən. 

Nəq.:

Necə nəğmə qoşub, necə dinməyim?

Dost gedib, özümə gələ bilmirəm

Elə bil, əllərim yox olub mənim

Gözümün yaşını silə bilmirəm

Çaldığım o sazı gətirin mənə,

Görün ki, çalmaqda necə mahirəm

Əlim dəyən kimi bircə telinə

Simlər haray çəkib qırıldı o dəm.