Ey günahsız əzizim - Mahnı sözləri, Şarkı sözü,Lyrics

Ey günahsız əzizim 

Mus.: Bəxtiyar Kərimov 

Söz.: Gəray Fəzli

Dinlə, gör nə deyir sinəmdə ürək

Dilim söz tutmayır, dinəndə ürək 

Nə məndə can qalıb, nə səndə ürək

Mən sənə qəlbimi açandan bəri.

Günahımız nədir bizim,

Ay günahsız əzizim?!

Dəyişik salmışam baharı qışla

Çiçəyi çəmənlə, qarı yağışla.

Sən mənim qəlbimə bircə baxışla

Yüz Günəş işığı saçandan bəri.

İndi eşqimizə hamı göz olub,

Sizdə söhbət olub, bizdə söz olub.

Son günlər anam da səbirsiz olub

Gözləyir yolunu haçandan bəri.