Dan ulduzu - Mahnı sözləri, Şarkı sözləri, Lyrics

Dan ulduzu

Mus.: Məmmədbağır Bağırzadə 

Söz.: Cəfər Cabbarlı

Qaranlıq gecədə səni gözləyib 

Durmaqdan yoruldum, ey dan ulduzu,

Uzaq üfüqlərə göz gəzdirməkdən

Az qala kor oldum, ey dan ulduzu

Nəq.:

Öksüz taleyim, tək gecikdin nədən,

Karvanqıran doğdu, görünmədin sən,

Oxşatdım, yanıldım, könül verdim mən

Bilmədən vuruldum, ey dan ulduzu.

Büsbütün yorulub gücdən düşərkən,

Bir ulduz parladı uzaq üfüqdən,

Bu görünən səndin, artıq gəldin sən,

Axır səni buldum, ey dan ulduzu.