Dan ulduzu, bir də mən - Mahnı sözləri, Şarkı sözləri, Lyrics

Dan ulduzu, bir də mən...

Mus.: Cahangir Cahangirov

Söz.: İslam Səfərli

Göylər örtmüş başına,

Buludlardan kələğay.

Göz qırpan ulduzlara

Laylar çalır sanki Ay.

Nəq.:

Gecə əriyib keçir, yat, quzum, beşiyində

Dan ulduzu, bir də mən durmuşuq keşiyində.

Bir ağ qağayı kimi

Külək qalxıb dənizdən

Qulaq asır laylama,

Açıq pəncərəmizdən.

Dan yeri sökülmədə,

Sübhün mehi oyaqdır

Xəzərdə sönüb-yanan

Şəfəq deyil, mayakdır.