Çingiz Mustafayevə - Mahnı sözləri,Şarkı sözü, Lyrics

Çingiz Mustafayevə 

Mus.: Sevda Məmmədli

Söz.: Xurma Mikayılqızı

Sənə laylasında nə çalmış anan,

Nə imiş qəlbində od tutub yanan?

Sakitlik vermədi həqiqət sənə,

Sən də qurban getdin, Çingiz, Vətənə.

Nəq.:

Ağla, ey torpağım,ağla sən bu gün!

Qoynunda nə qədər şəhidlərin var,

Bu günkü günahsız axan qanlara

Şəhid məzarında şəhidlərim var.

Nə qədər arzular yatdı sinəndə,

Yatsa da oyaqdır gözü Çingizin,

Arzular çin olsa, əgər Vətəndə,

Bilin ki, yaşayır özü Çingizin.

Hünərin bəllidir el-obanıza

Bir də yara vurdun sən yaramıza.

Qorxutmadı səni nə ölüm, nə qan,

Qəhrəman oğul tək sən vermisən can.