Bülbül - Şarkı sözü,Lyrics,Mahnı sözləri

Bülbül

Mus.: Ələkbər Tağıyev
Söz.: Məmməd Rahim

Yenə qonub şah budağa,
Nə sızlarsan belə, bülbül?!
Vəfasızdır yarın sənin,
Yanıb dönmə külə, bülbül!

Nəq.:

Hər aşiqin dövranı var,
Hər bir bağın bağbanı var.
Hər bağçanın reyhanı var,
Rahimin öz cananı var,
O bənzəməz gülə, bülbül!

Ömrün şirin bir çağında,
Qəmli ötmə gül bağında,
Vəfasızın sorağında
Ömrü vermə bada, bülbül!

Öz meylini salmış xara,
Etmiş səni bəxti qara,
Aşiq olub dönük yara,
Düşmə dildən-dilə bülbül!