Bir dənəsən - Mahnı Sözləri Şarkı Sözü Lyrics

Bir dənəsən

Mus: Əlibaba Məmmədov
Söz: Əlağa Vahid

Gözəllər içrə sən, ey mahiparə, bir dənəsən,
Gözəllərin gözüsən, zülfü qarə, bir dənəsən.

Gülüzlü, nazlı sənəmlər düşər qədəmlərinə
Bu çeşmi məst ilə qılsan işarə, bir dənəsən.

Sən olmasan məni hicran qəmi həlak eylər
Şikəst könlümə aləmdə çarə, bir dənəsən.

Zəmanə əhlinə məşhurisən gözəllikdə,
Bu sirri gizli deyil, aşikarə bir dənəsən.

Gözəl həyatını Vahid, fənaya sərf etmə,
Səni zəmanə yetirməz dübarə, bir dənəsən.