Məmmədbağır Bağırzadə - Bağıban - Mahnı sözləri,Şarkı sözü,Lyrics

Bağıban

Mus: Məmmədbağır Bağırzadə
Söz: Şahin Fazil

Bağıban, ay bağıban, bağə nigarım gəlir
Mən necə bağdan çıxım, indicə yarım gəlir

Bəslədiyin güllərə, göz ucu da baxmaram,
İnsafın olsun sənin, gör necə varım gəlir

Təsiri yoxdur gülün, ya da xumar bülbülün,
Qəlbi xumar etməyə qəlbi xumarım gəlir

Meyvə veribsən mənə, tazə nübardır, demə,
Yoxdur meylim meyvənə, tazə nübarım gəlir

Bağə gəlir bir qonaq,sanki yanan bir çıraq
Laləyə bənzər yanaq, laləli yarım gəlir

Darvazana vur kilid, get, açaram mən onu,
Bir dəfə sim-sim desəm, bil ki, açarım gəlir

Möcüzədir möcüzə, gör necə yarım gəlir
Bağıban, ey bağıban, bağə nigarım gəlir