Aybəniz Haşımova - Ömür Nəğmələrim - Mahnı Sözləri,Şarkı Sözü,Lyrics

"Ömür nəğmələrim"

Söz: İftixar Piriyev
Mus: Aybəniz Haşımova
İfa: Aybəniz Haşımova                                              
1.
Boynu bükük xatirədir
Mənim ömür nəğmələrim.
Qərib-qərib hey əl edir
Mənim ömür nəğmələrim.

Saçlarımda mehə dönür,
Gözlərimdə şehə dönür,
Miskilli bir "eh"ə dönür,
Mənim ömür nəğmələrim..

Nəqarət:
Ömür yarpaq-yarpaq gedir,
Eşqin məni dəli edir,
Həsrətin bağrımı didir,
Mənim ömür nəğmələrim.

Niyə yozulmur bu yuxun?
Unudulmur niyə qoxun?
Bəsdir susdun, bir az oxun,
Oxun, ömür nəğmələrim.

2.
Hər yerdə səni gəzirəm,
Dağ da dözməz, mən dözürəm,
Dözüb, özümü üzürəm,
Mənim ömür nəğmələrim.

Könlüm səndən heç nə ummur,
Ədan qəlbimə toxunmur,
İnan ki, sənsiz oxunmur
Mənim ömür nəğmələrim!