Dağlar - Mahnı sözləri,Şarkı sözü, Lyrics

Dağlar

Mus.: Ramiz Mustafayev

Söz.: Rəfiq Zəka

Bu gözəl təbiəti nə gözəl bəzərsiniz

Ey ətəyi çiçəkli, zirvəsi qarlı dağlar.

Səhər axşam kiminsə yolunu gözlərsiniz

Kimdir gözlədən sizi, ay etibarlı dağlar!

Neçə kənd yuva salmış səfalı kölgənizdə

Qartallar keşik çəkər ən uca zirvənizdə

İlin hər  mövsümündə dilbər görünsəniz də

Sizi görmək istərəm mən ilk baharda, dağlar!

Buludlar fikrinizdir, xəyala dalarsınız

Rüzgarların səsindən göyə ucalarsınız,

Bulaqlar çağlayınca mahnılar çalarsınız,

Ey nəğməkar ürəkli, şair vüqarlı dağlar!