Bayramınız mübarək - Şarkı sözü,Mahnı sözləri,Lyrics (Mus: Oqtay Kazımi)

Bayramınız mübarək

Mus: Oqtay Kazımi
Söz: İsgəndər Coşqun

---

Bir anasan mənə, Vətən,
Çox borcluyam sənə, Vətən,
Eşqinlə min nəğmə ötsəm
Yorulmaram yenə, Vətən.

Nəq.:

Nə gözəldir yazın sənin
Gülür oğlun,qızın sənin.
Elin, oban ürək açır
Arzuların çiçək açır.

Toy bayramdır elimizdə
Al bayraqlar əlimizdə
Bu bayramın çox mübarək
Deyib gülək, şadlıq edək

Ağ pambığın qarlı dağdır
Geniş qoynun bağça, bağdır
El yanında, Ana Vətən
Alnın açıq,üzün ağdır

Gündüzləri al-əlvansan
Gecələri çıraqbansan
Yollarıma işıq saçan
Bir mayaksan, Azərbaycan.