Anatollu Qəniyev - İlk Görüşdən Gəlirəm - Mahnı Sözləri,Şarkı Sözü,Lyrics

"İlk görüşdən gəlirəm"

Söz: Məstan Günər
Mus: Polad Bülbüloğlu
İfa: Anatollu Qəniyev, 1965
Müşayiət: Əhsən Dadaşov, XÇA Ans

1.
Əsdi çinar yarpağı,
Nəğmə dedi küləklə.
İndi qızın dodağı
Bir döyündü ürəklə.

Nəqarət:

Gəldi ömrümün
Gənclik illəri,
Ah, nə şadam mən!
Baxın həsrətlə,
İndi gəlirəm
Mən ilk görüşdən!

2.
Ürəyimi vermişəm,
Şahid oldu tellərin.
Bəlkə, yuxu görmüşəm,
Əlimdəydi əllərin.

Nəqarət:

Ondan güllərin
Ətri gəlirdi,
Ah, nə şadam mən!
Baxın həsrətlə,
İndi gəlirəm
Mən ilk görüşdən.

3.
Çıxdıq uca dağlara,
Çıxdı yamac boyunca.
Gördüm onun qapqara
Gözlərini doyunca!

Nəqarət:

Qoşa gəzirdik
Çiyin-çiyinə,
Ah, nə şadam mən!
Baxın həsrətlə,
İndi gəlirəm
Mən ilk görüşdən!

4.
Könül açdım ilk dəfə,
"Nə qəşəngsən sən!", dedim.
Çəkdi birdən qəhqəhə,
Qaçdı, tuta bilmədim.

Nəqarət:

Getdi gözümdən,
Gələr o bir də,
Ah, nə şadam mən!
Baxın həsrətlə,
İndi gəlirəm
Mən ilk görüşdən!

MinBirMahni