Dedi,tələsmə - Mahnı sözləri,Şarkı sözləri,Lyrics

Dedi,tələsmə

Mus.: Ramiz Mirişli 

Söz.: Nəriman Həsənzadə

Dedim mən sevirəm, dedi sevginən

Dedim qoşa gəzək, dedi tələsmə.

Dedim bağ içidir, dedi seyr eylə

Dedim bir gül üzək, dedi tələsmə.

Dedim bir cavab ver, xəyala varma,

Dedi zəhmət çəkib özünü yorma.

Dedim qadan alım, dedi yalvarma,

Dedim onda küsək, dedi tələsmə.

Dedim mən aşiqəm gül yanağına 

Dedi bülbül qonar gül budağına

Dedim üzük salım mən barmağına,

Əhdi-peyman kəsək, dedi tələsmə.