De, necə yaşayım sənsiz - Mahnı sözləri, Şarkı sözləri, Lyrics

De, necə yaşayım sənsiz

Mus.: Nadir Əzimov 

Söz.: Rəsmiyyə Sabir

Qəlbimdə həsrətin, gözlərimdə yaş

De, necə yaşayım, de, necə sənsiz?

Olmuşam kədərə ən yaxın sirdaş

De, necə yaşayım,de, necə sənsiz?

Sonsuz əzablara sevgim bələnib

Saçıma hicranın tozu ələnib

Hər an dözümümdən bir az dilənib

De, necə yaşayım, de, necə sənsiz?

Dalğalar sahilə çatıb dincəlir

Aramızda bağlar hər gün incəlir

Həsrətin dözümə axı güc gəlir

De, necə yaşayım, de necə sənsiz?

Ömrün dumanında taleyim azır,

Bəxtimin gözündən qanlı yaş sızır

Həsrətin hardasa qəbrimi qazır

De, necə yaşayım, de, necə sənsiz?