Bir gül seçdim - Mahnı Sözləri Şarkı Sözü Lyrics

Bir gül seçdim

Mus: Fikrət Əmirov
Söz: Teymur Elçin

Bağban oldum bağ üçün
Bir gül seçdim yar üçün
Canımın canı sevgilim
Ürəyin verməz var üçün.

Durna uçmaz yaralı,
Sənsiz bağçam saralı.
Ürəyin ay qız nə deyir
Görəsən məndən aralı?

Nəq.:

Bağım bağçam, a gülüm
İncəm, qönçəm a gülüm
Çəkdirmə cəfa mənə
Can dedim, can dedim sənə, ay gözəl

Eşqin dəniz, bir içim,
Doldur, ay qız, ver içim.
Canımı qurban eylərəm
Dərdimə dərman yar üçün.

Leyli-Məcnun dil olub,
Eşq odundan kül olub
Aşiqi hicran qərq elər
Göz yaşı boğar, sel olar.